Կիվին վիտամինահատապտղային փունջ է. 1in.am

Այժմ իսկական ժամանակն է վիտամիններ ձեռք բերելու համար, իսկ կիվին այդ հարցում կարող է դառնալ լավագույնը, հայտնում է allwomen.net.ua-ն: Կիվիի հայրենիքը Չինաստանն է: Համաշխարհային ճամաչում ստացել է նորզելանդացի այգեգործ Ալեքսանդր Էլիսոնի շնորհիվ, ով 20-րդ դարասկզբին Չինաստանից այն տարել է իր հայրենիք: Ի դեպ, նրան գրավել է ոչ թե պտուղը, այլ նրա հիասքանչ սպիտակ ծաղիկները:

Այդ միրգն, իրավամբ, կարելի է անվանել վիտամինային ռումբ: Դա նախ վերաբերվում է C վիտամինին, որի պարունակությամբ գերազանցում է բոլոր մրգերին: Օրական 1 կիվի ուտելով` օրգանիզմը կապահովեք C վիտամինի նորմայով, որն անհրաժեշտ է գարնանն իմունային համակարգի, տեսողության, օրգանիզմի դիմադրողականության և աշխատունակության բարձրացման, և, նույնիսկ, սթրեսների հաղթահարման համար:

Կիվին հարուստ է նաև А և D, С, Е, В₂, В₃, В₆ վիտամիններով, բետա կարոտինով, ֆոլաթթվով: Մագնեզիումի, հանքային աղերի, բջջանյութի պարունակման շնորհիվ միրգը կարող է օգնել սրտին, մարսողությանը, այրում է ճարպերը, կանխում անոթներում խցանումների գոյացումը:

Նորվեգացի գիտնականները խորհուրդ են տալիս օրական ուտել 2-3 կիվի` արյան մեջ վնասակար ճարպաթթուների մակարդակը նվազեցնելու համար:

Հարցեր, պատասխաններ, մեկնաբանություններ